IMG_8376 560x315

Ope møte på Valdres folkemuseum 30. januar kl. 19.00.

Skal me arrangere Landskappleik på Fagernes i 2015?

Valdres folkemusikklag og Valdres folkemusikkarrangement AS vurderer å ta på seg å arrangere Landskappleiken 2015, og inviterer difor alle interesserte til eit ope møte på Valdres folkemuseum torsdag 30.januar.

Landskappleiken er eit stort arrangement og me er avhengige av at det er interesse i lokalmiljøet og i folkemusikkmiljøet om me skal klare å gjennomføre. Også det lokale næringslivet er ein viktig aktør i dette. Me ynskjer med dette møtet å lodde stemninga for å arrangere Landskappleik på Fagernes i 2015. Møt opp og kom med dine synspunkt på korleis ein eventuell landskappleik på Fagernes i 2015 kan bli eit arrangement me kan stå inne for!

 

 Om landskappleiken

Årleg samlast om lag 1000 aktive spelemenn, songarar og dansarar i 5 dagar i slutten av juni. Om lag 5000 - 7000 tilreisande kjem til Landskappleiken.
Arrangementet er ambulerande og flytter kvart år til ein ny arrangementsstad. Det er FolkOrg – organisasjonen for folkemusikk og folkedans - som eig arrangement, men det er årleg ein lokal arrangør,  gjerne er eit av dei lokale spelemannslaga i organisasjonen, som står for landskappleiken.