Skotårsseminar på Valdres Folkemuseum
Valdres folkemusikklag i samarbeid med Valdres folkemusikkarkiv/ Valdresmusea byr inn til kurs/seminar med Ruth Wilhelmine Meyer og Steinar Ofsdal 29. februar – 02. mars 2008.

Meld deg på UNGDOMMENS KULTURMØNSTRING 2008!
UKM 2008 går av stabelen laurdag 16. februar i Kulturhuset på Fagernes. Det deltok over 70 ungdommar på kulturmønstringa i fjor. 64 av dei stod på scena, 4 deltok på kunstutstillinga og 8 hadde laga video. Det er imponerande. Medan vi hadde seks rockeband, fem dansegrupper og ni ulike instrumental- og songinnslag, var berre to av desse innanfor folkemusikk-sjangeren. Dette håper vi du kan gjere noko med! Vi veit at det finst mange dyktige, unge folkemusikkutøvarar i Valdres – meld deg på Ungdommens Kulturmønstring i DAG!

Auka støtte til Karlberg og Røine
Marit Karlberg og Anders Røine fekk auka støtte frå ensemblestøtta til Norsk kulturråd, frå 50 000 kroner i 2007 til 75 000 kroner i 2008.
Tilskota til musikkensemble skal bidra til utviklingen i musikklivet utanfor institusjonene, og gje grunnlag for å drive grupper og ensemble på høgt og profesjonelt nivå.

For fullstendig liste, sjå nettsidene til Norsk kulturråd her

700 000 til Jørn Hilme-stemnet
Jubelen stod i taket då det torsdag vart kunngjort at Norsk Kulturråd løyver 700 000 kroner til Jørn Hilme-stemnet for 2008. Folkemusikkfestivalen på Fagernes har fått auka løyvingar kvart år etter at dei kom med i festivalstøtteordninga i 2001. No aukar Kulturrådet støtta med heile 300 000 kroner i høve til 2007. Jørn Hilme-stemnet er den festivalen i landet som får størst auke i løyvingane.

Les meir på nettsidene til Jørn Hilme-stemnet her

Kurs i praktisk bruk av lydutstyr
Valdres folkemusikklag arrangerer kurs i bruk av lydutstyret til folkemusikklaget måndag 10.12 og torsdag 13.12, begge kveldar kl 18.30-22.00.

250 000 kroner delt ut i produksjonsstøtte
Tildelinga av prosjektmidlar til folkemusikk i Valdres for 2008 er no klar. Det kom inn 12 søknader på til saman 457 000 kroner og ramma vart fordelt til ti produksjonar med utbetaling i februar 2008. Hovudmålet med ordninga er å bidra til å sikre rekruttering til folkemusikken i Valdres, og tiltak retta mot born og unge blir prioritert. Det skal leggjast vekt på mangfald og kvalitet. Det er og mogleg å søke om midlar til produksjonar retta mot reiseliv og andre målgrupper.

Les meir

Valdres folkemusikklag søkjer informasjonsmedarbeidar
Vfl søkjer informasjonsansvarleg i 40% stilling frå og med 01.01.08. Det kan bli mulegheit for å utvide stillinga.

Arbeidsoppgåver vil vera marknadsføring av organisasjonen og arrangementa, i hovudsak Jørn Hilme-stemnet og Strunkeveko, og vidareutvikling av samarbeid med reiseliv og næringsliv i regionen.

Søknadsfrist 15.11.2007

31. oktober 2007
Yngretreff i Skrautvål
Det er tid for haustens Yngretreff. Laurdag 10. november kl. 10.30 er det full fart med halling, langeleik, song, toradar og hardingfele i Skrautvål skule.

17. oktober 2007
Dei lea se, ungdommane i Lea de
I helga var fyrste samling for Lea de, Bygda dansar i Oppland. 20 ungdommar frå Valdres og elles i Oppland møttest til ei intensiv øvingshelg på Vinstra vidaregåande skule.

Ådne Kolbjørnshus i svevet


Foto: Silje Onstad Hålien

11. oktober 2007
GROVASTE SPELEMENNENE VESTPÅ
Konsert med Håkon Høgemo, Frank Rolland og Synnøve S. Bjørset. Fredag 19. oktober kl 20.00 på Fagerlund Hotell, Fagernes.

Inngang kr. 100,-/kr. 70,-

01.oktober 2007
Årets folkemusikkartist 2007
Valdres eigen Hallgrim Hansegård vart i helga kåra til årets folkemusikkartist 2007 på Folkelarm mellom anna for sjangerovergripande og nyskapande arbeid med hallingdansen.

Foto: Knut Lerhol