 Dugnadsfest og konsert på Solabu!
Valdres folkemusikkarrangement as og Valdres folkemusikklag ynkjer å takke for den store og gode insatsen frå alle som jobba frivilig under Jørn Hilme-stemnet og Strunkeveko i sommar. Fredag 23. oktober kl. 19.30 blir det dugnadsfest på Solabu i Ulnes, og dette arrangementet er sjølvsagt gratis for alle dugnadsarbeidarar!
Konserten er med den svenske folkemusikkgruppa Triakel. Triakel består
av Emma Härdeling (song), Kjell-Erik Eriksson (fele) og Janne
Strömstedt (trøorgel) og gruppa har vitja Noreg fleire gonger. Denne
gongen er det Solabu i Ulnes som får besøk. Gruppa har gjeve ut fire
cdar og har eit repertoar som spenner frå dei varaste salmetoner til
slåttespel. Her vil me møte tonar som varmar i haustkvelden.
Etter
konserten blir det høve til å svinge seg til drivande dansemusikk. Jan
Beitohaugen Granli, ungdommar frå Lea de, m.fl. spelar til dans og det
vil bli høve til å kjøpe seg kaffe og kake.
Konserten og dansen er også
ope for andre interesserte og det blir billettsal i døra.
Konserten
kostar 150 kr for vaksne og 75 kr for skuleungdom. Born under 12 år går
gratis.
Velkomne til dugnadsfest og konsert på Solabu!
Arr: Valdres folkemusikkarrangement og Valdres folkemusikklag
|
